اشعار للناس اللي تحب الزعل والفراق

خلنا نفترق
ولا تنسج لي اعذار
ولا ارسم لك اسباب
نقول نصيب
ونكتفي
وياما
فرق هالنصيب احباب‍‍



تبغاني اسلى عنك
واجفاك وانساك

عطني مثل قلبك واسوي سواتك‍



كنت بعيوني
غلاتي
كنت تسوالي
حياتي
للاسف كانت
اماني
لكن خسارة
تضحياتي
الله يسامحك
رووووح
بس يكفيني
جروووح.



ياللي جاي تهدد تحسب انك
قدي
ولا عرفت من ابوي
وجدي
بعدك يابا ماشفت ولا عرفت
التحدي
عهد علي لأخليك تكلم نفسك وانت
ماتدري



أي محبه وأي عشره وأي حنان
وأي شوق اللي انت تتكلم عليه
يعني واثق ان باقي لك مكان
وإن قلبي يرد لو ترتجيه
قلبي اللي غلطته حبك وصان
لو يصافح قلبك كنت اقطع له ايديه
اي محبه بعد مافات الأوان
اي حنان اللي تبي تعوضني فيه
وين كنت يوم انا احتجتلك زمان
وين حبك يوم انا ميت عليك
روح للي لأجله بعت الحب زمان
بس لاتنسى تسلملي عليه‍‍



اشكرك قلبك كبير
مرهف احساسك كثير
اشكرك من كل قلبي
بعتني والله بضمير



أضحــــــك
مردك بيوم تواجه الدمعه
إما على جيتي،،
ولا على فراقي..



آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجيتك ولا فايدة فيك
الحين جيت تقول انسى عشاني
جابك زمانك خلك اليوم
(ما أبيــــــــك)..



كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ما استراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...



خلقت لي شموخ
وهامه
ماطالها طويلين
الانفاس
وكونت لي عرش رفيع
مقامه
مايوصله جن ولا يوصله
ناس
ورفعت نفسي فوق هام
الغمامه
اشوف زلات البشر وارفع
الراس
واليوم كلن خصني
بإحترامه
واللي معاديني بالاقدام
ينداس...



حب يغيب وصاحبه
مابعد غاب
وحب يدوم وصاحبه في غيابه
وحب يذوب خافق مابعد
ذاب
وحب يداوي صاحبه من
عذابه
وحب حياته كلها لوم
وعتاب
وحب حقيقي مايضرك
عتابه
وحب بلا معنى وحب بلا
اسباب
يبدأ غريب وينتهي في
غرابه



هذا حظي
انت والدنيا دوووم ضدي
ماني مخطي
كل مافي الموضوع
احبك
وانت جارح ودي..



الحب كلمه عظيمه
كلها احساس ومشاعر
ماهو من قال احبك
وعقبها يجرح الخواطر



انا عمري بقايا شمع
احرقني الاسى والدمع
اذا مافيك ترحمني
احرق مابقى مني...



علامك مهملني
وفي رفك انا تذكار..
إذا كان الهدف بعدي..
انا حاضر وممنونك...



عرفت الناس والدنيا وطريقي
وعرفت ان الهوى كذب وأماني
خذاني الشوق والحب الحقيقي
لذاك اللي عقب وده جفاني
نساني للأسف في عز ضيقي
وأنا في غمرة جراحي أعاني
لقيته في هوا غيري غريق
تنكر من هواي ومن حناني



تحسبني ميت عليك
صدقني تراك غلطان..
احبك انا قلتها صحيح
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها
بس تراني مااعتبرها الا زلة
لســـــان





تحياتي ... وناطره ردودكم !!!!

مشكور دودي


الله لا يجيب الزعل بين الاحباب

مشكور عيني..
بس ما ظنيت في حد يحب الزعل والفراق..
تحياتي..

تعبك راحه عاد تدرين انا امووووووت بالزعل والفراق بذات اليوم مادري ليش جذي لان في وحده بطت جبدي

ههههههههههه
تستاهل يمكن انت زعلتها

عاد والله زعلت على مقلب سوته فيني وانا سويته فية وزعلت مادري ليش ممكن طريقة تخليها ترضى علي

مادري بس انا اقول تستاهل كل اللي تسويه فيك

يمكن كان المقلب قوي عشان جيه زعلت ولا ما في شي يخيلها تزعل من دون سبب


صــــــــــــــــــــح

يبا انتي فاهمة غلط انا والله ماسويت اي شي كلة مقلب بايخ وزعلت والله للحين وانا احاول فيها وانشالله ترضى علي ادعيلي يا قلبي انها ترضى علي وانشالله اوعدها اني مستحيل ازعلها بس اتمنى انها ترضى علي